Recta final da primeira ediçom do concurso de murais “Daniel R. Castelao. Construindo a Galiza”

Lembrai que ainda estades a tempo de participar na primeira ediçom do concurso  “Daniel R. Castelao. Construindo a Galiza”  de murais.

O objetivo de este concurso é o de fomentar a atividade criativa potencializando a consciência nacional do nosso povo.

Deixamos-vos as bases:

CONCURSO DE MURAIS: “DANIEL R. CASTELAO. CONSTRUINDO A GALIZA”

O objetivo de este concurso é o de fomentar a atividade criativa potencializando a consciência nacional do nosso povo.
Os muros escolhidos para a realizaçom dos murais devem estar em estado de deterioraçom e, sempre que seja possível, dentro das pautas que marca a legislaçom municipal vigente.
Recomendamos tirar umha imagem da situaçom do muro antes de fazerdes o vosso trabalho.

1.- PARTICIPANTES
Poderám participar neste concurso todas as galegas e galegos, de maneira individual ou colectiva, incluindo aquelas que se encontrarem na emigraçom, encaminhando os seus trabalhos no prazo indicado nas presentes bases.

2.- CATEGORIAS
Estabelece-se umha única categoria.

3.- TEMÁTICA
A temática das obras apresentadas terám que ter umha ligaçom obrigatória com a Galiza como naçom e/ou o seu direito a decidir. Dentro da liberdade criativa de cada artista, recomendamos que se recolha a legenda “Construindo a Galiza”.

4. – PRAZOS

• Os trabalhos poderám apresentar-se de 17 de maio a 1 de setembro, encaminhando umha foto do mesmo ao endereço eletrónico: coordenadora@viagalega.gal. No corpo da mensagem terám de assinalar-se o título e a pessoa ou pessoas
autoras.

• A Plataforma Via Galega comunicará o 15 de setembro o mural ganhador.

5.- O JÚRI

• O júri será composto por cinco pessoas, 3 ligadas ao mundo das artes e 2 da coordenadora da nossa entidade.

• O júri reunirá-se na primeira semana de setembro, emitindo ditame nesse mesmo dia e com caráter inapelável

• Se assi se considerar, o prémio poderá ficar deserto.

6.- PRÉMIOS

Concederám-se prémio aos dous melhores murais, segundo o ditame do júri, emitido o dia da sua realizaçom, que consistirám em:

1º Figura comemorativa realizada ad hoc

2º Lote de obras editadas polas entidades que componhem Via Galega.

Os prémios som únicos, independentemente do número de pessoas que participarem na realizaçom dos murais

7.- OUTROS REQUISITOS

As pessoas participantes cedem de modo gratuito os direitos de reproduçom e comunicaçom pública das suas criaçons, com o fim de que o mural premiado, e os restantes, poidam ser divulgados a través do web e das redes sociais da Plataforma Via Galega.

A participaçom no concurso supom a aceitaçom destas bases e o incumprimento dalgumha implicará a nom aceitaçom do trabalho apresentado.

Qualquer questom referida à interpretaçom e esclarecimento das bases corresponde à organizaçom, nom cabendo contra ela nengumha reclamaçom.

 

A imagem pode conter: uma ou mais pessoas, pessoas sentadas, texto e ar livre

Deixa unha resposta

O teu enderezo electrónico non se publicará Os campos obrigatorios están marcados con *