VIA GALEGA – Plataforma Social en Defensa dos Dereitos Nacionais de Galiza

A USC acollerá un novo coloquio da campaña “Galiza nación. Un pobo con dereitos”

Share on facebook
Share on google
Share on twitter
Share on linkedin
Share on email
Share on telegram
Share on whatsapp

Tras o gran suceso do encontro celebrado o pasado 14 de decembro no Centro Sociocultural das Fontiñas (rúa Berlín, 13, Compostela), a Plataforma Vía Galega, que integra máis de 60 asociacións culturais e sociais organiza un novo coloquio na Universidade de Santiago de Compostela.

A nova convocatoria deste segundo coloquio aberto ao público no marco da campaña “Galiza nación. Un pobo con dereitos” será o próximo 16 de marzo do 2021 ás 19:00 horas na Facultade de Xeografía e Historia. Contará coa proxección dun vídeo documental e coas intervencións de María Alonso, Rubén Cela e Pablo Carracedo “Jasper”.

O obxectivo da campaña “Galiza nación. Un pobo con dereitos”, consiste en que se asuma con naturalidade e consciencia a realidade obxectiva de que Galiza é unha nación, con vontade de existir e de exercer como tal, como se recoñeceu oficialmente en 1933 no IX Congreso de Nacionalidades Europeas, adscrito á Sociedade de Nacións. Quérese tamén fomentar a estima colectiva para que cada vez sexa máis pobo o que acredite e tome conciencia de que a nación galega existe e ten futuro.

Ademais da distribución de folletos explicativos e de cartaces nas vilas e cidades, realizouse un vídeo que define as características que conforman a nación galega e un percorrido histórico e reivindicativo. Persoas referentes da sociedade galega participaron tamén nesta campaña mediante a gravación de cadanseu vídeo para explicar como perciben que Galiza é unha nación. Entre elas figuran Manolo Rivas, Isabel Risco, Suso de Toro, Olaia Maneiro, Xurxo Souto, Pilar García Negro, Francisco Rodríguez, Neves Rodríguez, Antón Ruanova e Pilar Pallarés.

Share on facebook
Share on google
Share on twitter
Share on linkedin
Share on email
Share on telegram
Share on whatsapp