VIA GALEGA – Plataforma Social en Defensa dos Dereitos Nacionais de Galiza

VG convoca 46 concentracións simultáneas para exixir soberanía e traballo digno na Galiza

Share on facebook
Share on google
Share on twitter
Share on linkedin
Share on email
Share on telegram
Share on whatsapp

Dentro da campaña «Non Emigramos. Expúlsannos», Vía Galega convoca 46 concentracións simultáneas diante das casas dos concellos de diversos municipios galegos para denunciar a situación de emigración forzada á que se ven sometidas millares de persoas cada ano no noso país.

Desde Vía Galega, entendemos a emigración como o síntoma principal dunha economía subalterna, que non aproveita as verdadeiras potencialidades de Galiza, e que se limita, na práctica, a fornecer materias primas en lugar de terminar os ciclos produtivos no país. E somos conscientes de que esta orientación non é casual, senón produto da falta de soberanía política, da dependencia das relacións económicas a respecto de Madrid e da falta de interese dos diferentes gobernos autonómicos en promover unha economía autocentrada.

Fronte a isto e seguindo coa campaña «Non Emigramos. Expúlsannos», que nestes días está a tramitar mocións ao respecto na maioría de concellos galegos, estas concentracións son un chamado á acción dos poderes públicos para que recoñezan a emigración galega actual como unha emerxencia nacional e activen, dunha vez, os mecanismos para remediar esta lacra.

As concentracións celebraránse diante da casa do concello dos seguintes municipios, agás en Burela, Nigrán, Sada, Tui e Vigo, onde se indica o lugar escollido:

  • A Coruña
  • A Estrada
  • A Guarda
  • As Pontes
  • Allariz
  • Ames
  • Arzúa
  • Betanzos
  • Burela (Pza. da Mariña)
  • Cangas
  • Carballo
  • Cedeira
  • Cee
  • Celanova
  • Compostela
  • Fene
  • Ferrol
  • Lalín
  • Lugo
  • Malpica
  • Marín
  • Moaña
  • Monforte
  • Narón
  • Nigrán (Cruce da Ramallosa)
  • Noia
  • O Barco
  • O Porriño
  • Ourense
  • Padrón
  • Pontedeume
  • Ponteareas
  • Pontevedra
  • Redondela
  • Rianxo
  • Ribadeo
  • Ribeira
  • Sada (Praza de San Roque)
  • San Sadurniño
  • Sarria
  • Viveiro
  • Teo
  • Tui (Praza da Inmaculada)
  • Verín
  • Vigo (Praza da Princesa)
  • Vilagarcía de Arousa

Accede aquí ao mapa interactivo.

Share on facebook
Share on google
Share on twitter
Share on linkedin
Share on email
Share on telegram
Share on whatsapp