Rexistradas as mocións para os concellos da campaña «Non Emigramos. Expúlsannos»

Share on facebook
Share on google
Share on twitter
Share on linkedin
Share on email
Share on telegram
Share on whatsapp

Representantes de Vía Galega, a Plataforma en defensa dos dereitos sociais e nacionais de Galiza, rexistramos esta mañá na Xunta unha moción dirixida aos concellos para defenderen políticas que atallen a emigración, enmarcada na campaña “Non emigramos, expúlsannos. Soberanía para crear traballo digno”.

Na última década emigraron de Galiza 216.413 persoas con idades comprendidas entre os 16 e 54 anos, das que 79.529 eran mozos e mozas de 16 a 29 anos, por falta de oportunidades laborais no noso país, co que iso significa de perda de poboación.

A condición periférica e subordinada da economía galega, a destrución de parte importante da base produtiva, a precariedade no emprego e a ausencia de políticas ambiciosas de igualdade e fomento da conciliación están na base do devalo demográfico do país e do aumento da emigración.

Entre as propostas da moción, destaca constituír no Parlamento galego unha ponencia sobre a emigración co obxecto de que, no prazo de cinco meses, estude e propoña medidas e políticas necesarias para rematar con este drama social que golpea o pobo galego.

Share on facebook
Share on google
Share on twitter
Share on linkedin
Share on email
Share on telegram
Share on whatsapp